يوميات مــــــكــــلــــــخ

اليكم هذه الطرائف حول مكلخ :






واحد مكلخ كان كيصبغ الحيط ف دارهوم. قالو
ليه: إيوا بعدا على الأقل دير جرنان تحت منك

قال ليهم المكلخ: لا بلاش، راني
طويل



***************

واحد مكلخ قال لصاحبو: البارح ما نعستش مزيان
ف التران

قال ليه صاحبو: وعلاش؟

قال ليه المكلخ: لحقاش كنت ناعس ف البلاصة
الفوقانية

قال ليه صاحبو: وعلاش ما تبادلتيش مع مول
البلاصة التحتانية؟

قال ليه المكلخ: حيت كانت خاوية وماكانش فيها
حتى واحد باش نتبادل معاه



*********************



راجل معقول كان غادي وطاح ف
حفرة

ناض منها وشاف قدامو وهي تبان ليه حفرة أخرى وقال: أوووف هنطيح
عوتاني



***************************



عشرة د المكلخين كيتعلموا الربطة ديال
الكرافاتة. ستة ماتوا وربعة ف حالة حرجة





واحد مكلخ حل مصنع ديال التلج وسماه: مصنع
الما الناشف



***********************



واحد مكلخ موصلينو دارهم للمطار. الطريق كامل
وهو كيقول: كون غير جبت التلفزة... كون غير جبت التلفزة



مللي وصلوا المطار، دارهم طلع ليهم الدم
وقالوا ليه: فرعتي لينا راسنا، علاش زعما تجيب التلفزة؟



قال ليهم: حيت خليت الباسبور فوق
منها



************************



جوج مشاو للمحطة د التران ولقاوه بدا كيتحرك.
واحد لحقو نقز فيه وركب، ولاخور ميت بالضحك ما ركبش. مللي سولوه مالك؟ قال ليهم:
هاداك المكلخ راه غير جا يوصلني







***************************



مكلخ خطف مكلخة ودارها ف الطوموبيل. البنت
بدات كتغوت

قال ليها المكلخ: غادي تسكتي أولا غادي
تنزلي

قالت ليه: لا صافي هاني
سكت



*******************************



هادو جوج غاديين ف الغابة وهو يخرج ليهم سبع.
ناض اللول ضرب السبع بحجرة كبيرة وهرب كيجري. شوية وهو يتلفت وراه وبان ليه صاحبو
كاع ما كيجريش. قال ليه: وا مالك أصاحبي ماكتجريش؟

جاوبو صاحبو: وعلاش نجري؟ مالي أنا اللي
ضربتو



********************************



هادا واحد مكلخ سول صاحبو قال ليه: علاش
الورق ديال الشجر كيسقط ف الخريف؟

رد عليه صاحبو قال ليه: حيت ما قرا والو ف
الصيف



**********************



هادا واحد مكلخ ما كيجيهش النعاس. قال ليه
واحد صاحبو: أنا عندي ليك واحد الطريقة واعرة غادي تعاونك تنعس، بقى تحسب حتال 500
وغادي يجيك النعاس. خينا مشى ف الليل و بدا كيحسب، غير وصل ل 199 و هو يجيه النعاس،
وهو نيت ينوض وغسل وجهو و رجع للناموسية يكمل الحساب.



******************************



هادا واحد مكلخ طاح ف الدروج. خرج ليه الطبيب
بومادة و قال ليه دهن بلاصة الطيحة. ناض المكلخ كيدهن ف الدروج







********************************



هادو رباعة ديال المكلخين صنعوا طوبيس كيمشي
بالعرض باش كلهم يركبو القدام



**************************



هادو رباعة ديال المكلخين ف الجامعة كيكتبوا
داكشي اللي كيكتبه الأستاد ف السبورة. منين كيمسح الأستاد السبورة، كيقطعوا هوما
الورقة







*******************



هادا واحد غادي يشري 10 دراهم ديال الحشيش،
بانت ليه سطافيت و هو يلوح 10 دراهم



**********************



هادا واحد مكلخ قال يا ربي ندير يدي ف جيبي و
نلقى 20 درهم. منين دار يديه لقى جيبه متقوب. و هو نيت يرجع يقلب لا تكون طاحت ليه
ال 20 درهم



******************************



هادا واحد معروفة عليه مكلخ شد الدكتوراة.
مشى عند مرته قال ليها: أنا ما عرفتش علاش كلشي كيقول عليا مكلخ، إيوا هاني شديت
الدكتوراة.

قالت ليه مرتة: دق على
الخشب.

الراجل دق على الطبلة. و هي تقول مرته:
شكون؟

قال ليها: جلسي نتيا، أنا نمشي نطل
شكون



***********************



هادا واحد مكلخ مشى عند مول التلفزيونات و
قال ليه: عندك تلفزيونات بالألوان؟

قال ليه لاخور: كاينين

و هو يقول ليه المكلخ: واخا عطيني واحد
خضر



***********************



هادوا جوج مكلخين ف الحبس، تفقوا يهرسوا
الباب و يضربوا العساس و يهربوا. مللي هرسوا الباب، ما بانش ليهم العساس و هوما نيت
يجلسوا يتسناو فيه



***************************



هادا واحد مكلخ، تجمعوا عليه سبعة ديال
الشياطين، واحد كيوسوس ليه و ستة كيفهموه



****************************



هادي واحد لمدينة ديال المفروحين. واحد
النهار دارو الشغب و دار ليهوم البوليس حضر التجول ف الليل. مللي طاح الضلام، خرجوا
كاملين يشوفوا هاد حضر التجول